Għada f’Montekristo Estates tiġi organizzata l-24 edizzjoni tal-Gladiators Fight Night. F’din is-serata, numru ta’ atleti Maltin se jkunu qed iħabbtuha kemm bejniethom kif ukoll kontra ġellieda internazzjonali.
F’dan l-avveniment se jkun hemm livelli differenti ta’ ġlidiet li jibdew minn esebizzjonijiet u jibqgħu tilgħin sa livelli semiprofessjonali u dawk professjonali. Fost il-ġellieda rinomati li se jkunu qed jikkompetu hemm Celeste Galea, Diane Xerri, Jesred Piscopo, Faris Lukovic u Shaun Falzon. Dawn se jkunu qed jiġġieldu kontra atleti minn pajjiżi differenti fosthom il-Belġju, Franza, l-Italja u l-Portugall rispettivament.
Il-bibien mistennija jinfetħu għall-pubbliku fis-7.00pm bl-ewwel ġlieda tibda fit-tmienja. Kull min jixtieq jakkwistaw biljett jista’ jagħmel dan billi jikkuntattja lil wieħed mill-kompetituri jew iżur il-paġna fuq facebook.
