Konor Kulas ta’ Starlites, Ashleigh van Vliet ta’ Hibernians u Nikola Bozovic ta’ Fusion rebħu l-BOV Plejers tax-Xahar għal Jannar. Il-preżentazzjoni saret mill-Uffiċjal Kap tal-BOV Peter Perotti.
Il-plejer Amerikan Kulas rebaħ il-Plejer tax-Xahar tal-Ewwel Diviżjoni. L-attakkant twil sitt piedi u seba’ pulzieri, kellu medja ta’ 61% waqt il-logħob u kiseb 55 punt matul dan ix-xahar.
Ashleigh van Vliet ta’ Hibernians spikkat b’14-il punt kontra Luxol u 12-il punt kontra Depiro. Hi kellha medja tajba ta’ 81% mil-linja tal-free-throw u b’total ta’ 44 punt, kisbet l-ogħla vot fil-proċess.
Mill-Kampjonat tad-Dilettanti, Nikola Bozovic skorja 88 punt matul ix-xahar. L-attakkant Serb twil sitt piedi u sitt pulzieri kiseb 10 minn 16-il okkażjoni mil-linja tal-free-throw, 27 minn 42 tentattiv mill-court u tmien three-pointers minn 25 tentattiv.
