Id-deputati tal-Parlament fir-Russja approvaw il-pakkett tal-emendi kostituzzjonali preżentati mill-President Russu Vladimir Putin, waqt tieni qari fl-assemblea ta’ Moska.
L-emendi jinkludu l-possibbiltà li Putin jikkontesta mill-ġdid għall-Presidenza meta l-Kostituzzjoni tar-Russja, fil-forma attwali, tinkorpora limitu legali għal kemm President jista’ jdum imexxi pajjiżu
Fl-aħħar sigħat il-President Putin tkellem fil-Parlament fejn qal fost oħrajn li mhemmx ħtieġa li jsiru elezzjonijiet bikrija għall-Parlament tar-Russja.
Il-Kostituzzjoni għalissa tirrikjedi biex Putin iwarrab mill-Presidenza fl-2024 ladarba jiskadilu l-mandat attwali li hu wkoll ir-raba’ wieħed tal-istess Putin.
Intant, ir-riformi għandhom jirristrutturizzaw is-sistema politika tar-Russja filwaqt li jsaħħu l-valuri konservattivi fil-liġijiet bażiċi tal-pajjiż.
//= $special ?>