Malcolm Gilford, warden miż-Żurrieq ammetta li seraq fjuwil minn pompa tal-petrol tal-LESA u ġie kundannat 18-il xahar ħabs sospiżi għal tliet snin. Il-Qorti ordnatlu jħallas lura lil LESA €477 tal-fjuwil li seraq.
Huwa tressaq quddiem il-Maġistrat Natasha Galea Sciberras mill-Ispettur Robert Vella. L-Avukati Franco Debono u Marion Camilleri deheru għall-warden.
L-Ispettur Robert Vella li ressaq lil Gilford, qal li filmati minn fuq is-CCTV kienet użata biex tidentifika l-karozzi u muturi li kienu qegħdin jieħdu l-fjuwil.
