19-il negozju ġibdu l-attenzjoni lill-Gvern fuq is-sitwazzjoni ddisprata li l-industrija tal-kummerċ qed tiffaċċja fid-dawl taċ-ċirkustanzi preżenti li qed ikollhom effett negattiv fuq il-ħwienet kollha, esklużi s-supermarkets u l-ispiżeriji.
Fi ftit jiem, dawn in-negozji soffrew nuqqas kbir ta’ bejgħ. Minkejja n-nuqqas ta’ lockdown nazzjonali, il-biċċa l-kbira tal-komunità Maltija qed tosserva l-pariri tal-awtoritajiet lokali u qed iżżomm lura mill-kuntatt soċjali, li l-aktar u direttament jolqot ix-xiri.
Barra minn hekk, dan is-settur għandu wkoll dipendenza fuq l-industrija tat-turiżmu, li f’dan l-istadju hija prattikament ineżistenti. Mill-bieraħ, il-biċċa l-kbira tal-ħwienet tagħna kellhom kummerċ biss 15% . Il-kummerċ f’dawn il-livelli, u possibbilment agħar fil-jiem li ġejjin, qed ikollu effetti devastanti fuq in-negozji.
Bħal industriji oħra, teżisti wkoll l-biża li din is-sitwazzjoni mhux ser terġa’ lura għan-normalità fi żmien qasir.
Kull kumpanija għandha impjegati,, kirjiet, sistemi tal-IT, utilitajiet u ħwienet biex jieħdu ħsieb matul dan il-perjodu delikat. B’differenza minn servizzi oħrajn, dawn in-negozji jeħtieġu il-preżenza fiżika tal-maġġoranza tal-impjegati fil-ħwienet. Huwa probabbli li, f’nofs din il-pandemija COVID-19, dawn il-ħwienet ikollhom ibiegħu l-istokk bi prezzijiet baxx li jwasslu għal aktar telf.
Fin-nuqqas ta’ miżuri effettivi adottati mill-Gvern biex titjieb din il-qagħda, il-kumpaniji, ġew kostretti li jieħdu azzjonijiet inizjali inkluż it-tnaqqis ta’ sigħat u jiem tal-ftuħ tal-ħwienet.
Il-Kumpaniji ħarġu wkoll b’diversi miżuri li jaħsbu li għandhom jittieħdu, fejn fost l-oħrajn jinkludu –
- Konferma uffiċjali li d-differiment tal-pagamenti fiskali li ġew imħabbra riċentament jinkludi wkoll dan is-settur
- Konferma li l-istess differiment mhux se jinkludi xi interessi jew penali
- Pawża temporanja ta’ sitt xhur fir-rata tal-VAT
- Aġġustament temporanju għar-rati ta’ taxxa tal-impjegati
- Emendi fil-leġislazzjoni dwar l-impjieg sabiex jippermettu flessibilta’ lil min iħaddem biex inaqqas in-numru ta’ sigħat matul ix-xhur li ġejjin
- Assistenza diretta fil-ħlas tal-pagi għax-xhur t’April u Mejju 2020
- Il-Leave tal-Kwarantina għandu jkun mgħobbi mill-Gvern
In-negozji li ġibdu l-attenzjoni tal-Gvern kienu –
- Kevin Grech – Hudson holdings Ltd
- Mario Camilleri – Big Bon Group
- Simon Gatt Baldacchino – United Department Stores Ltd
- Joseph Borg – Trilogy Ltd
- Kenneth Mizzi – SAK Ltd
- Simon Mizzi – Rubicon Ltd
- Andrew Calascione – Supermarkets (1960) Ltd
- Marlene Seychell – CKK Holdings
- Nicky Camilleri – Arkadia Marketing Ltd
- Emma Miller – Miller Group
- Tonio Camilleri – Camilleri Group
- Roberta Caruana Stivala – Thubmelina Ltd
- Christine Pace – Dorkins Ltd
- Lauro Abela – Franks Stores Co Ltd
- Diane Izzo – Dizz Group
- Jerome Grech – Superbrands Ltd
- Romina Fenech – Sterling Group Ltd
- Peter Borg – Bortex Group
- Charles Mifsud – United Fashion Ltd
