Imħabbar l-ewwel każ ta’ trażmissjoni lokali.
L-ewwel każ ta’ Malti li kellu trażmissjoni lokali ġie infettat minn persuna li rriżulta pożittiv ilbieraħ.
Każ ieħor ta’ Spanjol li kellu jirritorna lura lejn pajjiżu lbieraħ. Minn grupp ta’ 4 studenti Spanjoli li kienu Malta fl-aħħar jiem, wieħed minnhom irriżulta pożittiv.
Mara Maltija li rriżultat pożittiva jidher li hi t-tieni każ ta’ trażmissjoni lokali hekk kif jidher li żviluppat sintomi wara li żewġha ġie lura minn barra u wara li anke hu kellu sintomi ħfief tal-virus.
Każ ieħor huwa ta’ ġuvni li kien fl-istess grupp ta’ persuni li vvjaġġaw Dublin ftit tal-jiem ilu. Hu kien laħaq mar lura x-xogħol qabel ma ġie ttestjat għat-test.
Żewġ każi oħra ta’ trażmissjoni lokali irriżultaw wara li l-persuni kellhom kuntatt tal-healthcare worker li xi jiem ilu kienet irriżultat pożittiva.
Każ ieħor ta’ healthcare worker li wkoll irriżultat pożittiv u li jidher i hi każ ta’ trażmissjoni lokali mhux ċar minn fejn ħadet il-virus, għaliex hi tgħix ma persuna li kienet imsiefra iżda wkoll għax kellha kuntatt ma’ persuni oħra.
Il-każijiet kollha huma stabbli u għalkemm inzammu fl-isptar, setgħu inżammu anke d-dar sakemm ifiequ.
Is-Supretendent tas-Saħħa Charmaine Gauci qalet li l-ilbies protettiv qed jingħata lill-healthcare workers li jkunu f’kuntatt ma’ pazjenti li huma kkonfermati li huma pożittivi għall-Covid-19.
Gauci kkonfermat li mhux kull min iċempel il-helpline 111 u jgħid li għandu s-sintomi tal-virus qed jiġi ttestjat jekk dan ma jkunx siefer fl-aħħar jiem. Hija qalet li t-testing qed isir b’mod arbitrarju.
Hija kkonfermat ukoll li wieħed mill-każi kien ta’ persuna Għawdxija, iżda qalet li t-trażmissjoni saret f’Malta.
//= $special ?>