Sewwieq ta’ mutur indarab gravi wara li kien involut f’inċident fil-Gżira.
Fi stqarrija l-Pulizija spjegat li l-inċident seħħ fil-11.30pm fi Triq Mikiel Anton Vassalli, direzzjoni lejn San Ġiljan.
Il-Pulizija qalu li l-ħabta seħħet bejn mutur li kien qed jinstaq minn raġel ta’ 37 sena li joqgħod Pembroke u karozza li kienet qed tinstaq minn raġel Irlandiż ta’ 44 sena residenti San Ġwann.
Fuq il-post issejjaħ tim mediku li ħa lis-sewwieq tal-mutur l-Isptar Mater Dei b’ambulanza.
