Stqarrija konġunta bejn il-Kamra tal-Kummerċ, iċ-Chamber of SMEs, l-Assoċjazzjoni ta’ Min Iħaddem u l-Assoċjazzjoni tal-Lukandi u r-ristoranti qed tinsisti li fiċ-ċirkostanzi preżenti, il-Gvern għandu jagħmel tajjeb għal 50% tal-pagi tal-impjegati. Din hija l-istess proposta li għamel il-Partit Nazzjonalista nhar it-Tlieta, bħala miżura sabiex jitnaqqsu kemm jista’ jkun ir-riperkussjonjiet tal-Covid-19 fuq in-negozji Maltin.
L-imsieħba soċjali qed jagħmlu numru ta’ proposti sabiex ikunu ssalvagwardjati l-imjiegi ta’ eluf ta’ ħaddiema.
L-istqarrija tgħid li 25% oħra tal-paga għandha titħallas minn min iħaddem.
L-Assoċjazzjonijiet talbu wkoll li persuni self-employed għandhom jingħataw 75% tad-dħul bażiku tagħhom mill-Gvern, maħduma skont il-paga medja.
Huma qed jinsistu li l-Gvern għandu jgħin billi jagħti self garantit biex jgħin lin-negozji sabiex iżommu lill-impjegati, u sabiex tkun żgurata l-kontinwità.
L-istqarrija ttemm tgħid li negożji li qed isofru minn 25% jew aktar ta’ telf mid-dħul fil-perjodu ta’ bejn Jannar u Ġunju ta’ din is-sena meta mqabbel mal-istess perjodu għall-2019 għandhom jibbenefikaw minn dawn il-miżuri ta’ għajnuna.
//= $special ?>