– Ivan J.Bartolo, NN
Għandu jitwaqqaf kumitat tekniku kif il-pajjiż jiġġieled il-problema tal-corona virus bit-teknoloġija.
Dan qalu d-deputat Nazzjonalista Ivan J.Bartolo fil-parlament fejn appella biex ma jkunx hemm partiġġjaniżmu politiku f’din il-problema u biex il-pubbliku jkun informat kif jista’ jasal għall-inizjattivi li ħabbar il-Gvern.
Għalhekk il-Gvern għandu jagħti l-informazzjoni neċessarja, sostna d-deputat Nazzjonalista, li qal li t-tielet pakkett finanzjrju kien fid-direzzjoni t-tajba iżda mhux biżżejjed.
Id-deputat Nazzjonalista tratta kumpaniji li joperaw fit-turiżmu li llum ixxotta totalment u qal li dawn il-kumpnaiji llum iridu jaġġustaw l-operat tagħhom.
Ivan J.Bartolo qal li meta jitkeċċew il-ħaddiema l-kumpnaiji jkunu qed jitilfu l-ħiliet tal-ħaddiema. Ħadd m’hu jifhem dan il-virus u għalhekk hemm bżonn l-imħuħ ta’ kulħadd, sostna id-deputat Nazzjonalista, li qal li t-teknoloġija hi għodda li għandha tkun użata billi jinstab mezz biex in-nies li jkunu qed jimirdu jkunu identifikati.
