Il-Pulizija għaddejja bl-investigazzjonijiet wara li tard l-Erbgħa filgħaxija ħalliel wettaq serqa minn ħanut tal-merċa fl-Imsida.
Il-każ seħħ fil-ħdax ta’ filgħaxija fi Triq San Lwiġi meta raġel mgħammad u allegatament armat b’arma taqta’ u bil-ponta daħal fil-ħanut u talab il-flus lill-kaxxiera, żewġt irġiel Indjani ta’ 34 u 30 sena rispettivament.
Filwaqt li s-suspettat ħarab minn fuq il-post b’ammont ta’ flus kontanti, fortunatament ħadd ma ndarab fil-każ.
