L-Għaqda Mużikali Beland taż-Żejtun b'tislima speċjali lil dawk fuq quddiem nett fil-ġlieda kontra l-COVID-19
Il-bandisti tal-post flimkien mal-għalliema tal-Għaqda Mużikali Beland taż-Żejtun irrekkordjaw minn djarhom b’mod sinkronizzat l-Innu Malti, mużika ta’ Robert Sammut fuq versi tal-poeta nazzjonali, Dun Karm Psaila.
Din l-inizjattiva saret bħala tislima speċjali għal dawk kollha li huma minn ta’ quddiem fil-ġlieda kontra l-COVID-19 f’pajjiżna, partikolarment il-ħaddiema fil-qasam tas-saħħa u dawk fil-korpi ddixxiplinati.
