Il-gowlkiper leġġendarju ta’ Chelsea Peter Bonetti miet fl-età ta’ 78 sena wara li kien ilu żmien twil ma jiflaħx. Bonett hu t-tieni l-aktar plejer li lagħab fl-istorja ta’ Chelsea b’total ta’ 729 logħba, 66 logħba anqas mir-rekord ta’ Ron Harris.
Hu lagħab ukoll seba’ logħbiet mat-tim nazzjonali Ingliż u kien il-gowlkiper ta’ riserva meta l-Ingilterra rebħet it-Tazza tad-Dinja fl-1966. Bonetti lagħab il-karriera kollha ma’ Chelsea b’eċċezzjonijiet għal esperjenzi żgħar ma’ St. Louis Stars fl-Istati Uniti u Dundee United.
