It-tnejn u għoxrin programm SPORT EXTRA li ser jixxandar illejla fuq NetTelevision mill-4.50 pm ‘l quddiem huwa wieħed speċjali għal Ħadd il-Għid fejn fl-ewwel parti, ser terġa tixxandar l-intervistà li saret mal-President tal-Kumitat Olimpiku Malti , Julian Pace Bonello kif wkoll feature tal-Kumitat Olimpiku Internazzjonali b’rabta mal-125 sena tal-Moviment Olimpiku.
Fit-tieni parti intervistà esklussiva maċ-champion Olimpika Agnes Kovacs tal-Ungerija li ta’ 15 il-sena f’Atlanta fl-1996 rebħet il-medalja tal-bronż fl-għawm filwaqt li fis-sena 2000 f’Sydney rebħet il-medalja tad-deheb. Fl-intervistà mhux biss ħarsa lejn l-esperjenzi tagħha fl-Olimpijadi iżda wkoll kif tħares lejn diversi argumenti komuni fid-dinja tal-isport. SPORT EXTRA għandu produzzjoni ta’ Charles Camenzuli b’muntaġġ ta’ Samira Cachia Spiteri b’filmati ta’ Bernie Dimech.
