Il-fjammi jinsabu viċin ir-reattur nukleari – żieda fir-radjazzjoni
Is-sena 2020 tidher li ser tkun waħda li ser tibqa’ mfakkra għal bosta snin li ġejjin. Dan wara l-aħħar aħbar li waqt li l-bqija tad-dinja qed tikkumbatti pandemija, fl-Ukrajna qed jissieltu sabiex jevitaw diżastru nukleari.
Fl-aħħar ġimgħa nirien qawwija qed jifilġu parti mill-foresta ta’ Chernobyl wara li uffiċjali Ukreni skoprew b’żieda qawwija fir-radjazzjoni f’din iz-zona.
Filwaqt li l-pumpiera flimkien mal-Awtoritajiet qed jagħmlu minn kollox sabiex jikkontrollaw in-nirien qerrieda, l-inkwiet tagħhom hu li l-fjammi qed jaqbdu ferm viċin ir-reattur nukleari li sploda lura fl-1986 u għaldaqstant dan jaf iwassal għal kontaminazzjoni radjoattiva.
Mijiet ta’ pumpiera ilhom jissieltu mill- 5 ta’ April man-nirien li s’issa diġà belgħu aktar minn 34km2 , b’400 mitt pumpier u diversi helikopters u fire engines fiz-zona.
L-esperti saħqu li l-livelli ta’ radjazzjoni fiz-zona issa jinsabu sittax-il darba aktar minn norma f’temp ta’ ġimgħa minn mindu tkebbsu n-nirien. Dan però ma jfissirx li r-residenti fiz-zona jinsabu f’riskju. Madanakollu villaġġ fil-madwar ġie evakwat bħala prekawzzjoni tlett ijiem ilu.
Sadanittat, it-temp ma jidhirx li qed jiffavorixxi l-kawża, hekk kif ir-riħ jidher li qed jonfoħ il-partiċelli radjoattivi lejn ir-reġjun ta’ Chernihiv u l-fruntiera mal-Bellarussja, bil-Belt Kapitali Ukrena Kiev tinsab biss sittin mil ‘il bogħod mis-sit.
