Numru ta’ esperti mediċi qed jgħidu li l-vaċċin kontra l-coronavirus jaf jiddetermina jekk l-Olimpjadi ta’ Tokjo li kienu skedati li jsiru din is-sena iżda ġew posposti għas-sena d-dieħla jsirux jew le. Il-Professur Devi Sridhar qalet li jekk tinstab kura jew vaċċin li kapaċi jegħleb dan il-virus jista’ jidditermina jekk l-Olimpjadi jsirux. Hi kompliet l-vaċċin jaf jinsab eqreb milli qed naħsbu b’ħafna qed isostnu li dan jista’ jkun sa sena l-bogħod.
F’laqgħa bejn l-IOC u l-organizzaturi tal-Olimpjadi ta’ Tokjo komplew li jittamaw li l-Olimpjadi isiru kif pjanat bejn it-23 ta’ Lulju u t-8 ta’ Awissu tal-2021. John Coates membru fl-IOC qal li dan il-perjodu jaf iħalli impatt fuq it-testijiet tal-atleti, bl-IOC tkompli ssegwi dak li tgħid il-WHO. Il-Ġappun iddikjara stat ta’ emerġenza sas-6 ta’ Mejju li ġej minħabba s-sitwazzjoni gravi li l-pajjiż jinsab fiha b’rabta mal-coronavirus.
