Xandira online fl-10.30am u oħra fuq TVM2 fis-6.30pm nhar ta' Ħadd
Propju mill-Festa tal-Ħniena Divina, għada l-Ħadd 19 t’April, l-Arċidjoċesi ta’ Malta ħabbret li se tibda xxandar il-Quddiesa bl-Ingliż kemm minn fuq il-website tagħha, www.knisja.mt, fl-10.30am, kif ukoll fid-6.30pm fuq TVM2.
L-Arċisqof Charles Scicluna se jiċċelebra l-Quddiesa mill-knisja tal-Patrijiet Franġiskani Minuri, li hi dedikata lil San Franġisk, fil-Ħamrun, fejn hemm devozzjoni lill-Madonna tas-Sokkors.
Dan is-servizz se jikkumplimenta l-quddiesa mxandra kuljum fid-9.30am, dik fil-5.30pm mit-Tnejn sal-Ġimgħa, ilkoll mill-Kappella tal-Kurja, kif ukoll il-quddiesa mis-Santwarju Bażilika tal-Madonna ta’ Pinu, fl-Għarb, Għawdex, is-Sibt fis-6.30pm.
