Suzuki laħqu ftehim mas-sewwieq Spanjol tagħhom Alex Rins, biex jibqa’ mat-tim sal-2022. Dan tħabbar fuq il-mezzi soċjali tas-sewwieq Spanjol fejn qal li kienet ix-xewqa tiegħu li jibqa’ mat-tim għaliex jemmen fil-potenzjal tal-proġett tagħhom.
It-tim ta’ Suzuki laqgħu din l-aħbar b’sodisfazzjon għaliex dan il-ftehim intlaħaq meta l-kampjonat tal-MotoGP qiegħed jistenna li jingħata bidu meta jinsab sospiż minħabba l-coronavirus. Rins ingħaqad mat-tim Ġappuniż fl-2017 u tela’ għall-ewwel darba fuq il-podju fl-2018 fl-Arġentina. Fl-istaġun li għadda Rins kien wieħed mill-protagonisti tul il-kampjonat b’rebħiet f’Texas u f’Silverstone.
