F’Rhineland Palatinate, fil-Ġermanja, fix-xahar ta’ Mejju se jkun qiegħed isir tournament ta’ esebizzjoni tat-tennis mingħajr partitarji.
Dan se jsir meta t-tennis professjonali jinsab sospiż minħabba l-pandemija tal-coroanvirus. Rapport fil-midja internazzjonali qal li t-tennisti li se jieħdu sehem se jkollhom jilbsu maskla fil-ħin li mhux se jkunu qed jilagħbu. Fil-court se jkunu peremssi li jidħlu biss tliet persuni biex ma jkunx hemm riskju li jinxtered il-virus.
Fit-tournament se jieħdu sehem 8 tennisti bl-ebda wieħed ma hu se jkun mill-aqwa mitt tennista fid-dinja. B’reazzjoni għal dan il-kowċ ta’ Serena Williams, Patrick Mouratoglou qal li dan it-tournament se jkunu ta’ opportunità għal xi tennisti li jirritornaw fil-court minn Marzu, minn meta ġie sospiż il-logħob minħabba l-coronavirus.
