Se jirritorna b’episodji ġodda t-teleserial popolari tas-snin disgħin ‘Saved by The Bell’.
Ir-reboot ta’ dan it-teleserial jerġa’ jeħodna f’Bayside School flimkien ma’ ħafna mill-karattri popolari li konna naraw fl-episodji oriġinali u anke karattri godda. Zack (Mark Paul Gosselaar), Slater (Mario Lopez) , Kelly (Tiffany-Amber Thiessen), u Jessie (Elizabeth Berkley) se jerġgħu ikunu l-karattri prinċipali bi storja ġdida u sitwazzjonijiet differenti bil-bażi tagħhom tibqa’ dejjem l-iskola f’Bayside.
L-episodji ġodda kienu mistennija jibdew jixxandru lejn l-aħħar ta’ din is-sena, biss hemm ċans li jiġu posposti minħabba s-sitwazzjoni li ġab miegħu l-virus Covid-19.
Għalissa nikkuntentaw biss bit-trailer ta’ dawn l-episodji ġodda sakemm insiru nafu dati ġodda ta’ meta se jibda jixxandar ir-reboot u nkunu nistgħu naqtgħu l-kurżità u niltaqgħu ma’ dawn l-atturi tant maħbuba u naraw kif inbidlu.
Artiklu miġbur minn Mark Azzopardi
