Il-President tal-Malta Football Association, Bjorn Vassallo se jkun il-mistieden ewlieni u speċjali tal-programm tal-lejla, #stayhomereplay li qed jixxandar esklussivament fuq il-paġna ta’ Replay fuq Facebook. #stayhomereplay jibda fid-9.00pm u tista’ issegwih LIVE permezz ta’ Facebook jew wara l-programm, fil-kumditá ta’ darek u f’ħin li trid int, billi tidħol fis-sezzjoni tal-videos fuq il-paġna tal-programm sportiv ta’ Net Television.
F’intervista diretta ma’ Christian Micallef, illejla Vassallo se jkun qed jitkellem dwar laqgħa importanti li kellu llum mal-Ministru tas-Saħħa Chris Fearne, dwar x’inhuma x-xenarji li ċertu kompetizzjonijiet tal-MFA ma jitkomplewx u allura jieqfu kif inhuma, u x’verdetti se jkunu qed jittieħdu. Vassallo se jwieġeb ukoll għad-domandi li se jagħmel Micallef relatati mar-riformi tal-MFA, strateġija post-COVID-19, it-tim nazzjonali Malti u l-proġett ta’ tim professjonali Malti fil-Lega Pro fl-Italja.
Dan il-programm awdjo-viżiv fuq il-paġna ta’ Replay fuq Facebook, jibda llejla fid-9.00pm.
