Wieħed mill-Presidenti ewlenin mill-Kampjonat Premier, George Galea se jkun fost il-mistiedna b’mod virtwali ta’ #stayhomereplay tal-lum fuq il-paġna ta’ Replay fuq Facebook. Dan il-programm ġdid, esklussivament fuq il-media soċjali tal-paġna tal-aġenzija li tipproduċi programmi televiżivi u radjofoniċi għal Net Media u aħbarijiet dwar il-futbol lokali, qed jikber fil-popolaritá tiegħu u huma ħafna dawk li qed isegwuh. Il-programm jixxandar fid-9.00pm f’xandira Premiere.
Apparti Galea, fil-programm tal-lejla se jitkellmu wkoll il-President tal-Gozo FA, l-Avukat Samuel Azzopardi u l-Performance Coach ta-MFA, Luca Pagani. Intant waqt il-programm tal-lejla se tkun żvelata l-identitá tal-plejer barrani ta’ Senglea Athletic, li fl-aħħar jiem allega permezz tal-Malta Football Players Association, li hu u s-sieħba tiegħu kienu se jitkeċċew mill-appartament li kienu qed jgħixu fih, mill-klabb. Nhar il-Ħadd li għadda tkellem Rueben Debono, President ta’ Senglea, biex jgħid il-verzjoni tiegħu dwar kif żvolġew l-affarijiet, u llum se jitkellem il-plejer bħala dritt għar-risposta.
Il-programm tal-lejla, li jibda fid-9pm, tistgħu ssegwuh permezz ta’ dan il-link t’hawn taħt:
