F’intervistà mal-midja internazzjonali Ronnie O’Sullivan ħabbar li se jkun qiegħed jirtira mix-xena sportiva fi żmien ħames snin. O’Sullivan li għandu 45 sena qal li l-istaġun li għadda ma kienx kif xtaq minħabba n-nuqqas ta’ parteċipazzjoni f’numru ta’ tournaments. Hu qal li fejn qabel kien jirnexxielu jipparteċipa f’kull tournament u saħansitra jirbħu jew jasal sal-finali, is-sena l-oħra ma setax jagħmel dan minħabba li għażel li ma jipparteċipax.
Hu tkellem ukoll dwar il-passat tiegħu u dwar żgħożitu li kienet xi ftit diffiċli minħabba li kien jagħmilha ma’ kumpanija ħażina. O’Sullivan kompla dwar kif kieku missieru kien għadu ħaj l-karriera tiegħu setgħet ħadet xejra oħra fejn jistqarr li seta rebaħ iċ-Championships tad-Dinja ta’ età iżgħar. Ronnie O’Sullivan temm jgħid li qiegħed iħares b’ottimiżmu għall-istaġun li ġej u lest li jipparteċipa f’aktar tournaments u fl-istess ħin jużahom bħala prattika.
Tul il-karriera tiegħu O’Sullivan rebaħ bosta unuri fl-snooker, fosthom 5 darbiet l-Kampjonati tad-Dinja u seba’ titli tal-Masters
