Il-kowċ Awstraljan Darren Cahill qal li l-ATP u WTA għandhom jingħaqdu biex b’hekk tkun aktar faċli kemm għat-tennisti u anke l-partitarji. Din il-proposta saret mit-tennista Roger Federer li fuq il-midja soċjali sejjaħ liż-żewġ organizzazjonijiet biex jingħaqdu. Il-proposta kienet ntlaqgħet tajjeb kemm miċ-Chairman tal-ATP, Andrea Gaudenzi kif ukoll mis-CEO ta’ WTA Steve Simon.
Cahill żied jgħid li din il-proposta tista’ tgħin biex ikun hemm uniformità fir-rankings kif ukoll fir-regoli. Hu żied li s-sistema ta’ bħalissa tagħmilha komplikata għas-segwaċi ta’ dan l-isport minħabba li biex jsegwu t-tournaments differenti li jsiru jridu jabbonaw ma’ numru ta’ pjattaformi differenti. Din il-proposta intlaqgħet tajjeb min numru ta’ tennisti kif ukoll dawk involuti f’dan l-isport għal ġid tat-tennis innifsu.
