F’intervistà mal-midja internazzjonali, it-tennista Serb, Novak Djokovic żvela kif fl-2010 wara li safa eliminat fil-kwarti finali tar-Roland Garros minn Jurgen Melzer hu ħaseb biex jirtira.
Hu żied li dik it-telfa iżda kienet ir-rivoluzzjoni fil-karriera tiegħu għaliex minn wara dik il-partita biddel l-istil tal-logħob tiegħu u sar aktar aggressiv. Meta mistoqsi dwar is-sitwazzjoni preżenti minħabba l-coronavirus, Djokovic wieġeb li għat-tennisti huwa importanti li jkollha kalendarju ċar quddiemhom u li s’issa huwa pjanat li l-istaġun tat-tennis jitkompla fit-13 ta’ Lulju.
Hu qal li bħalissa qiegħed jitħarreġ ta’ kuljum fil-gym tad-dar tiegħu. Dwar l-isbaħ partita fil-karriera tiegħu, is-sid numru wieħed qal li l-finali ta’ Wimbledon kontra Roger Federer tibqa’ l-aktar waħda memorabbli għalih. Tul il-karriera tiegħu, Novak Djokovic rebaħ sbatax –il Grand Slam.
