Id-deċiżjoni dwar meta l-kampjonat Ġermaniż għandu jitkompla ġiet posposta u b’hekk l-aktar kmieni li l-kampjonat jista’ jitkompla huwa s-16 ta’Mejju.
Il-Bundesliga ġie pospost f’nofs Marzu li għadda u kien mistenni li tittieħed deċiżjoni dwar meta għandu jitkompla l-kampjonat fil-ġranet li ġejjin. Rapporti internazzjonali qed jgħidu li din id-deċiżjoni ġiet pospost u b’hekk intilfet kull tama’ li l-kampjonat Ġermaniż jirritorna fid-9 ta’ Mejju.
Fil-Ġermanja hu propost li jitħallew biss 213 –il persuna fl-istadja fejn se jsiru l-logħob. Il-plejers se jkunu ċċekjati b’mod regolari u se jiġu ttestjati wkoll. Deċiżjoni dwar meta l-futbol jista’ jirritorna trid tkun meħuda wkoll flimkien mal-awtoritajiet tas-saħħa Ġermaniżi.
