Futbol Sport

Imut l-Eks-plejer Ingliż u ta’ Leeds United Trevor Cherry

Trevor Cherrey kien captain ta' Leeds United fil-partita kontra Valletta

Leeds United ħabbru li lbieraħ miet l-Eks- plejer tagħhom Trevor Cherry fl-età ta’ 72 sena. Cherry kellu kundizzjoni ta’ saħħa tajba u l-mewt tiegħu ħasdet lil bosta. Cherry kien issieħeb lil Leed mingħand Huddersfield fejn rebaħ il-kampjonat Ingliż fl-1974. Hu lagħab 486 logħba ma’ Leeds.

Cherry kien ukoll captain ta’ Leeds f’partita kontra Valletta li ntlagħbet fid-19 ta’ Settembru tal-1979 bit-tim Ingliż joħrog rebbieħ 4-0.

Tul il-karriera tiegħu hu lagħab 27 darba għall-pajjiżu fejn kien captain f’partita waħda. Cherry kellu wkoll karriera bħala plejer-kowċ ma’ Bradford fejn hemmhekk lagħab 92 partita. Leeds urew id-dispjaċir tagħhom għal din l-aħbar filwaqt li qasmu l-ħsibijiet tagħhom mal-familja tal-Eks-plejer tagħhom.