Waqt xandira diretta fuq Instagram, l-attakkant ta’ Brescia Mario Balotelli żvela li f’Jannar tal-2013 wara li telaq lil Manchester City kien viċin li jissieħeb lil Juventus. Hu qal li dan it-trasferiment ma seħħx wara li ċempillu Adriano Galliani u kkonvinċieh f’ ħin qasir biex jerġa’ jmur jilgħab f’Milan. Balotelli qal li f’qalbu għandu lil belt ta’ Milan.
Hu qal li Milan jinsabu f’qalbu bħal ma jinsabu l-Inter fejn iddiskriva l-esperjenza tiegħu maż-żewġ timijiet bħala differenti imma indimentikabbli. Tul il-karriera tiegħu Balotelli lagħba f’diversi kampjonati madwar l-Ewropa, iżda jibqa’ mfakkar l-iżjed għall-esperjenzi tiegħu fl-Ingilterra fejn rebaħ il-Premier League u anke fl-Italja ma’ Milan u Inter.
