L-Eks-kowċ ta’ Tottenham Hotspur, Mauricio Pochettino qal li fil-futur jixtieq li jirritorna bħala kowċ ta’ Tottenham u jirbaħ unur magħhom. It-tim ta’ Pochettino kien viċin li jagħmel dan fl-istaġun li għadda meta rnexxielu jwassal lil Spurs sal-finali taċ-Champions League fejn sfaw megħluba 2-0 minn Liverpool.
Pochettino tkeċċa minn kowċ ta’ Tottenham lura f’Novembru fejn naqas milli jirbaħ xi unur f’erba’ snin kowċ tat-tim minn Londra. L-Arġentin bħalissa huwa wieħed mill-kowċi favoriti li jieħdu post Steve Bruce ma’ Newcastle United la darba jieħdu f’idejhom t-tmexxija tal-klabb negozjanti mill-Arabja Sawdita.
