Fl-aħħar siegħat qamu dubji dwar is-sigrutà tat-tkomplija tal-Bundesliga, wara li tliet membri ta’ Cologne instabu pożittivi għall-coronavirus. Minkejja li l-Bundesliga b’mod kontinwu qed tipprova tikkonvinċi lill-Gvern Ġermaniż biex jitkompla l-istaġun dan ix-xahar, ilbieraħ żewġ plejers ta’ Cologne u membru tal-istaff irriżultaw pożittiv. Intant l-iskwadra ta’ Cologne kompliet titrenja minkejja r-riskju li dawn jistgħu jikkaġunaw ħsara fil-pulmun, fil-qalb u fil-kliewi.
Karl Lauterbach li jifforma parti mill-koalizzjoni tal-Gvern ta’ Angela Merkel qal li jinsab sorpriż kif il-plejers ta’ Cologne aċċettaw li jkomplu jitħarrġu minkejja r-riskji li jeżistu għas-saħħa tagħhom. Fl-aħħar ġimgħat it-timijiet tal-Bundesliga reġgħu bdew jitħarrġu fi gruppi żgħar b’deċiżjoni dwar meta se jitkompla l-kampjonat mistennija tittieħed nhar l-Erbgħa.
