Il-European Road Cycling Championships li kellhom isiru fl-Italja bejn id-9 u t-13 ta’ Settembru li ġej ġew posposti minħabba l-pandemija tal-coronavirus.
L-European Cycling Union qalet li kien qbil unanimu bejn il-partijiet ikkonċernati kollha dwar din id-deċiżjoni. Il-UEC qed tħares lejn żewġ dati ġodda meta dawn il-kampjonati jistgħu isiru. Id-dati huma jew bejn 1-5 ta’ Settembru tal-2021 jew t-8-12 ta’ Settembru 2021. Id-deċiżjoni finali mistennija tittieħed fix-xhur li ġejjin mill-Union Cycliste Internationale meta tippublika l-kalendarju għas-sena d-dieħla. L-UEC qalet li hi se tkun qed taħdem fil-viċin ma dawk involuti biex tinstab d-data l-aktar adattata.
