Il-Prim Ministru Spanjol Pedro Sanchez qal li l-La Liga u l-Federazzjoni Spanjola se jiddeċiedu meta jirritorna l-futbol fi Spanja.
Dan wara li nhar il-Ħamis, il-Ministru tal-Isport Spanjol approva l-pjan propost mill-La Liga. Il-pjan jinkludi li l-klabbs se jkunu qegġdin jittestjaw il-plejers għall-coronavirus. It-timijiet Spanjoli se jkunu jistgħu jibdew jitħarrġu mill-ġimgħa d-dieħla, bil-plejers jibdew jitħarrġu fuq bażi personali.
Spanja huwa wieħed mill-agħar pajjiżi milqut bl-imxija tal-coronavirus meta kellhom 25,100 persuna li tilfu ħajjithom. Il-La Liga ilu sospiż mit-12 ta’ Marzu u bħalissa Barcelona jinsabu fil-quċċata tal-klassifika bi 58 punt.
