Il-kowċ nazzjonali tal-Olanda Ronald Koeman iddaħħal l-isptar bi problema f’qalbu. Koeman li għandu 57 sena. L-Assoċjazzjoni Olandiża kkonfermat li Koeman għadda minn intervent f’qalbu u jinsab f’qagħda stabbli.
Koeman ilu kowċ nazzjonali ta’ pajjiżu għal ftit aktar minn sentejn u għen lit-tim Olandiż biex jikkwalifika għall-Kampjonat Ewropew, liema edizzjoni ġiet posposta għas-sena d-dieħla minħabba l-coronavirus. L-eks difensur internazzjonali, rebaħ it-Tazza Ewropea ma’ PSV kif ukoll ma’ Barcelona. Qabel inħatar kowċ nazzjonali tal-Olanda, Koeman kien manager ta’ Everton fil-Premier League.
