Bil-futbol Malti wieqaf, u ebda deċizjoni għadha ma ttieħdet dwar it-tkomplija jew le tal-Kampjonat Premier u x’se jiġri mill-verdetti ta’ tmiem tal-istaġun tal-Kampjonati kollha tal-MFA, id-diskussjoni fost il-partitarji tal-futbol lokali qed tkompli. Filwaqt li wieħed jappella li kulħadd għandu jibqa’ jżomm din id-diskussjoni, speċjalment fuq il-media soċjali, waħda ċivika u mingħajr ma tisħon, Replay illejla t-Tnejn, ikompli bil-programm il-ġdid tiegħu fuq Facebook, #stayhomereplay.
Fil-programm tal-lejla, li jibda fid-9.00pm, esklussivament fuq il-paġna ta’ Replay fuq Facebook, f’xandira Premiere, Christian Micallef se jkollu bħala mistiedna virtwali tiegħu lill-President tal-leaders tal-Kampjonat tal-Ewwel Diviżjoni Żejtun Corinthians, Joe Gauci u lill-kowċ ta’ Gżira United, Paul Zammit. Magħhom, Micallef se jkun qed jitkellem dwar l-attwalitá tal-futbol Malti, filwaqt li l-klabbs kollha f’Malta u l-imsieħba soċjali li jiffurmaw parti mil-logħba Maltija, ikomplu jingħataw vuċi biex jgħidu l-opinjoni tagħhom.
Intant dan il-programm awdjo-viżwali ta’ Replay, #stayhomereplay beda r-raba’ ġimgħa tiegħu ta’ xandir fuq Facebook. Skont l-istatistika uffiċjali li jipprovdi Facebook, fl-ewwel tliet ġimgħat dawn il-programmi kellhom total ta’ 52,000 views, medja ta’ 4,000 views għal kull programm. Dan l-ammont hu wieħed tajjeb f’termini ta’ numri u programmi ta’ futbol Malti li jkomplu jsaħħu l-prodott Replay hekk kif fit-tielet ġimgħa, #stayhomereplay irreġistra żieda sostanzjali fl-udjenza tiegħu fuq Facebook.
Il-programm #stayhomereplay tal-lejla t-Tnejn, b’xandira Premiere fuq Facebook, tistgħu ssegwuh anke permezz ta’ dan il-link ta’ taħt li qed jidher f’dan l-artiklu, mid-9.00pm ‘il quddiem fuq il-paġna ta’ Replay:
