Adele tirreferi għall-ħaddiema tal-isptarijiet bħala "anġli"
Il-kantanta popolari Adele qed tiċċelebra għeluq sninha; hi għalqet 32 sena propju lbieraħ.
Filwaqt li ħafna awgurawlha, kien dan ir-ritratt (fuq) li seraq l-attenzjoni ta’ bosta, b’eluf jibqgħu impressjonati kemm inbidlet u tilfet piż din il-kantanta Ingliża rebbieħa ta’ diversi Grammy Awards.
Adele poġġiet dan ir-ritratt fuq l-account tagħha ta’ Instagram, flimkien ma’ messaġġ ħelu ta’ apprezzament lejn il-ħaddiema kollha li f’dan iż-żmien ta’ sfida qed jaħdmu fl-isptarijiet. “Intom verament anġli”, kitbet Adele.
Fuq Instagram, Adele għandha 34 miljun persuna isegwuha.
