Il-MotoGP qiegħed jipproponi wara numru ta’ xhur ta’ stennija biex jagħti bidu għall-istaġun permezz ta’ żewġ tlielaq fiċ-ċirkwit ta’ Jerez fin-Nofsinhar ta’ Spanja f’Lulju. Fi stqarrija, il-MotoGP qalet li għamlet proposta lill-Gvern Spanjol biex isiru żewġ Grand Prix fid-19 u fis-26 ta’ Lulju, kif ukoll biex fit-2 ta’ Awwissu jsiru l-World Superbike Championship.
It-tlielaq kollha tal-MotoGP mistennija jsiru wara bibien magħluqa bħall-avvenimenti sportivi kollha. L-ewwel tellieqa tal-MotoGP kellha ssir permezz tal-Grand Prix ta’ Spanja segwit minn dak ta’ Andalusia. Spanja huwa wieħed mill-aktar pajjiżi milqut mill-coronavirus u issa bħall-kumplament tal-Ewropa bdew jirrilaxxaw xi wħud mill-miżuri.
