L-Assoċjazzjoni Maltija tal-Plejers Professjonali (MFPA) qalet li la darba l-Awtoritajiet tas-Saħħa jagħtu l-permess li jirritorna l-futbol, hemm bżonn li jkun segwit protokoll mediku li jassigura s-saħħa tal-plejers u dawk kollha nvoluti. Uħud mill-miżuri proposti fil-protokoll mediku huma li l-plejers kollha jridu jiġu ttestjati u segwiti regolarment, il-faċilitajiet kollha jridu jkunu ta’ livell ogħli ta’ ndafa.
Qabel ma jinbeda l-kampjonat, il-plejers kollha jrid ikollhom minn tal-inqas tliet ġimgħat ta’ preparazzjoni biex jiġu evidati injuries kif ukoll li trid tiġi mħarsa kemm is-saħħa fiżika u dik psikoloġika tal-plejers minħabba li l-istaġun jitkompla fix-xhur tas-sajf. L-MFPA qalet ukoll li trid tiġi rispettata d-deċiżjoni li fil-ġranet li ġejjin se tkun qed tittieħed mill-Awtoritajiet tas-Saħħa
