Il-kowċ tal-Olanda Ronald Koeman ħabbar li ħareġ mill-isptar wara li nhar il-Ħadd iddaħħal l-isptar isofri minn problemi f’qalbu. F’kummenti li għadda fuq il-midja soċjali tiegħu, Koeman qal li l-għar għadda filwaqt li rringrazzja lill-infermiera li ħadu ħsiebu kif ukoll lil dawk li għaddewlu kummenti ta’ kuraġġ.
Koeman iddeskriva din l-esperjenza bħala waħda ta’ biża kemm għalih u kemm għal dawk ta’ madwaru. Il-kowċ ta’ 57 sena ilu jmexxi lill-Olanda sa mill-2018 fejn is-sena l-oħra rnexxielu jwassal lil pajjiżu sal-finali tal-ewwel edizzjoni tal-UEFA Nations League.
