Tliet plejers u tliet membri tal-istaff ta’ Fiorentina u erbgħa oħra ta’ Sampdoria rriżultaw pożittivi għall-coronavirus. Dan wara li ż-żewġ klabbs tas-Serie A għamlu l-ewwel rawnd ta’ testijiet meta l-Gvern Taljan ta l-permess biex il-plejers jirritornaw għat-taħriġ individwali. Kemm Fiorentina u kemm Sampdoria qalu li l-plejers kollha ntbagħtu d-dar f’iżolazzjoni, waqt li għada se jitkomplew isiru aktar testijiet fuq il-plejers u l-membri tal-istaff. Sampdoria qalu wkoll li l-plejers tagħhom kienu asintomatiċi.
Fiorentina diġa kellhom lil Patrick Cutrone, German Pezzella u Dusan Vlahovic li rriżultaw pożittivi f’Marzu u li issa fiequ. Qabel dawn il-każi Sampdoria kellhom ukoll lil Gabbiadini, Colley, Thorsby, Ekdal La Gumina u De Paoli li ħabbar fuq il-midja soċjali li kienu pożittivi għall-coronavirus. Ilbieraħ Torino ħabbru li kellhom plejer infettat wara l-ewwel rawnd ta’ testijiet waqt li Paulo Dybala ta’ Juventus u Marco Sportiello ta’ Atalanta ħabbru li rkupraw.
