L-Eks-Difensur Taljan, Fabio Cannavaro qal li fil-futur jixtieq li jkollu l-opportunità li jikkowċja fil-Premier League. Cannavaro qal li Jurgen Klopp u Pep Guardiola huma ta’ ispirazzjoni għalih biex il-quddiem jmexxi tim fil-Kampjonat Ingliż.
Fil-preżent, Cannavaro qiegħed imexxi lil Guangzhou Evergrande fis-Super League taċ-Ċina. Ir-rebbieħ tat-Tazza tad-Dinja fl-2006 qal li hu jsegwi kull partita mill-Premier League u jogħġbu l-ambjent u l-kultura tal-Ingilterra.
Hu żied li fil-preżent jinsab mal-aqwa tim fiċ-Ċina u qiegħed jipprova jtejjeb il-livell tal-futbol fis-Super League. Cannavaro qal ukoll li fl-opinjoni tiegħu Liverpool ħaqqhom jirbħu l-kampjonat għaliex fi kliemu kellhom staġun impekkabbli.
//= $special ?>