Il-Ministru tal-Isport Taljan, Vincenzo Spadafora qal li fis-siegħat li ġejjin se jkun hemm deċiżjoni mill-Kumitat tat-Teknoloġija u Xjenza (Cts) dwar il-futur tal-futbol fl-Italja.
Spadafora qal li lesti jogħbdu dak li se jgħidulhom l-esperti u se jimxu mal-pariri li se jagħtuhom dwar it-tkomplija tat-taħriġ u l-ftuħ taċ-ċentri sportivi madwar il-pajjiż. Il-punti kruċjali li d-deċiżjoni se tkun ibbażata huma d-disponabbilità tat-testijiet tal-coronavirus u x ser jiġi mill-plejers li jinstabu pożittivi. Huma qed jipproponu li jimxu fuq il-mudell li qed jimxu bih fil-Ġermanja.
Il-President tal-Coni, Giovanni Malago ħabbar laqgħa straordinarja onlajn għal nhar il-Ħamis fejn fost l-oħrajn se jkun hemm nvoiluti Spadafora u l-President tal-Kumitat Paralimpiku Taljan. Is-Serie A ilu sospiż minn Marzu u fil-bidu ta’ din il-ġimgħa bosta timijiet irritornaw lura għat-taħriġ iżda għadha ma ġietx stabbilità data għat-tkomplija tal-kamjonat.
