Fuq il-midja soċjali tal-klabb, Napoli kkonfermaw li l-plejers kollha tagħhom irriżultaw negattivi għall-coronavirus u li minn għada se jiftħu ċ-ċentru ta’ taħriġ tagħhom għall-plejers biex jkunu jistgħu jitħarrġu b’mod individwali. Milan ukoll ħabbru li li mit-testijiet li għamlu l-ebda plejer ma rriżulta pożittiv.
Il-plejer ta’ Juventus, Paolo Dybala rritorna għat-taħriġ meta fl-aħħar jiem irriżulta negattiv għall-coronavirus. Dybala dam 46 ġurnata pożittiv għall-coronavirus u kien iddikjarat li jista’ jibda jitħarreġ mit-tobba ta’ Juventus.
Fl-aħħar jiem bosta ta’ timijiet Taljani rritornaw għat-taħriġ wara li l-Gvern Taljan irrilaxxa wħud mill-miżuri. Qabel ma għamlu dan, it-timijiet tas-Serie A wettqu t-testijiet fuq il-plejers tagħhom. Fiorentina, Sampdoria u Torino kollha ikkonfermaw li kellhom każi li rriżultaw pożittivi. Il-kampjonat tas-Serie A mistenni jitkompla f’Ġunju li ġej wara li ilu wieqaf minn Marzu.
