Il-partita mir-ritorn tar-rawnd tal-aħħar 16 tal-UEFA Champions League bejn Juventus u Lyon se ssir fis-7 ta’ Awwissu fl-Allianz Stadium f’Turin wara bibien magħluqa.
Dan qalu l-President ta’ Lyon Jean-Michel Aulas meta kien intervistat mill-midja Franċiża. Fl-ewwel leg li sar fis-26 ta’ Frar, dakinhar Lyon ħarġu rebbieħa b’gowl uniku skorjat minn Lucas Tousart. Il-Ligue 1 ġie kkanċellat u Lyon appellaw minn din id-deċiżjoni minħabba li huma jħossu li mhux se jkunu preparati la darba jitkomplew il-kompetizzjonijiet Ewropej.
