Daqqa ta’ ħarta għall-futbol Ġermaniż, meta t-tim ta’ Bundesliga 2 Dynamo Dresden spiċċa kollu fi kwarantina. Wara t-tielet rawnd ta’ testijiet li saru, Dresden sabu żewġ każijiet pożittivi ta’ coronavirus, bid-deċiżjoni tal-klabb tkun li t-tim kollu jmur fi kwarantina ta’ 14 –il jum. It-tim ta’ Bundesliga 2 informa lill-awtoritajiet b’din l-aħbar u ħabbar lu mhux se jkun jista’ jonora l-bqija tal-partiti li fadal.
L-identità tal-plejers pożittivi qeda tinżamm sigrieta iżda l-klabb ikkonferma li l-plejers pożittivi m’għandhom l-ebda sintomi. Dan il-każ ipoġġi f’riskju t-tkomplija tal-futbol fil-Ġermanja meta l-kampjonat hu pjanat li jitkompla fi tmiem il-ġimgħa li ġej. Dynamo Dresden jinsabu fl-aħħar post tal-klassifika ta’ Bundesliga 2.
