L-organizzaturi tat-Tour ta’ Spanja jew kif inhu magħruf bħala La Vuelta ħabbru li din is-sena minħabba l-pandemija tal-coronavirus se jkunu qed jikkanċellaw il-15 u s-sittax –il stadju li jgħaddu mill-Portugall.
Fi stqarrija l-Unipublic qalet li laħqet ftehim mal-organizzaturi tat-Tour biex l-istadij ta’ Porto, Matosinhos u Viseu jiġu kkanċellati għal din l-edizzjoni. L-edizzjoni ta’ din is-sena ġiet pospost mill-14 ta’ Awwissu għall-20 ta’ Ottubru bil-ftuħ fl-Olanda jiġi pospost minħabba l-pandemija.
B’hekk din is-sena La Vuelta se jkun qed jgħaddi minn pajjiż wieħed barra minn Spanja, meta d-disa’ stadju jintemm fi Franza f’Col du Tourmalet. Numru ta’ avvenimenti taċ-ċikliżmu kienu sospiżi u affetwati minħabba l-pandemija tal-coronavirus, bil-Giro d’Italia din is-sena se jsir f’Ottubru minflok dan ix-xahar.
