Good Golly Miss Molly u Tutti Frutti kienu biss tnejn mis-suċċessi kbar ta’ wieħed mill-missirijet tar-Rock’n’Roll, Little Richard.
Rapporti mill-Istati Uniti qed jgħidu li l-kantant popolari tal-ħamsinijiet miet fl-età ta’ 87 sena.
Ibnu Danny Penniman ikkonferma l-mewt ta’ missieru iżda ma elaborax dwar il-kawża tal-mewt.
Il-mużika ta’ Little Richard kienet taħlita sabiħa ta’ boogie woogie, rythm and blues, u gospel u baqgħet influwenti għal ħafna snin fuq bosta kantanti u gruppi, fosthom il-Beatles, Elton John, Prince u David Bowie.
Hu biegħ aktar minn 30 miljun diska madwar id-dinja, u kien wieħed minn tal-ewwel li għamilha fir-Rock Hall of Fame flimkien ma’ Chuck Berry, James Brown, Elvis Presley u Buddy Holly.
