Watford segwew lil Brighton u Aston Villa fl-oppożizzjoni li l-logħob la darbda jitkompla l-Premier League jintlagħbu fi grawnds newtrali. Dan qalu ċ-Chairman ta’ Watford Scott Duxbury li fi kliemu dan joħloq nuqqas ta’ integrità fl-isport u problema ta’ekwità. Duxbury żied jgħid li filwaqt li jifhem li ma jistax ikun hemm partitarji fl-istadiums, huwa kontra li t-tim tiegħu ma jilgħabx il-partiti li għandu jilgħab f’dahru f’Vicarage Road.
It-timijiet tal-Premier League mhumiex mistennija jieħdu d-deċiżjoni dwar l-użu ta’ grawnds newtrali fil-laqgħa li mistennija ssir nhar it-Tnejn. Hu mifhum ukoll li hemm iktar minn tliet timijiet li qegħdin jopponu din il-proposta.
Il-Premier League ilu sospiż mit-13 ta’ Marzu u skond il-Project Restart, il-kampjonat se jitkompla f’Ġunju. Fil-Bundesliga, meta l-kampjonat se jirritorna fi tmiem il-ġimgħa li ġej, it-timijiet kollha se jużaw l-istadiums tagħhom bil-Premier League isosstni li jekk il-logħob ma jintlagħabx fi stadiums newtrali l-kampjonat jissogra li jiġi kkanċellat.
