Oliver Dowden, is-Segertarju tal-Istat għall-Kultura, Midja u Sport qal li l-Gvern Ingliż approva l-pjan li l-kampjonat Ingliż jirritorna f’Ġunju. F’laqgħa b’mod virtwali mal-awtoritajiet tal-futbol, Dowden qal li ntlaħaq ftehim li jekk ikun sigur għas-saħħa ta’ dawk kollha nvoluti l-kampjonat jista’ jirritorna.
Hu żied jgħid li jrid ikun hemm aċċess biex il-partitarji jkunu jistgħu jsegwu l-partiti kollha minn djarhom. Hu temm jgħid li issa f’idejn l-awtoritajiet tal-futbol biex jiffinalizzaw il-pjan bil-Gvern Ingliż se jibqa’ dispost li joffri l-għajnuna u l-gwida meħtieġa. Il-Kampjonat Ingliż huwa pjanat li jirritorna fil-bidu ta’ Ġunju wara li twaqqaf f’Marzu li għadda minħabba l-pandemija tal-coronavirus. Fil-preżent fil-quċċata tal-kampjonat hemm Liverpool li għandhom 25 punt vantaġġ.
