F’intervistà mal-midja Taljana, il-President tal-Coni Giovanni Malagò qal li hemm 99% ċans li jirritorna l-kampjonat tas-Serie A fit-13 ta’ Ġunju.
Hu qal li qed isir minn kollox biex il-kampjonat jitkompla u ammetta li dan se jkun riskju. Malagò tkellem ukoll dwar il-possibilità li xi plejer jinsab pożittiv għall-coronavirus u qal li din hi prerogattiva taċ-Cts u l-Ministru tal-Isport u dak tas-Saħħa. Il-kampjonat tas-Serie A ġie pospost lura f’Marzu li għadda, ilbieraħ it-timijiet kollha qablu fuq il-proposta li l-kampjonat għandu jitkompla u jintemm.
Lura fl-4 ta’ Mejju meta l-Gvern Taljan beda jirrilaxxa xi miżuri bosta skwadri tas-Serie A rritornaw lura għat-taħriġ bil-plejers tagħhom jitħarrġu fuq bażi individwali. Hu pjanat ukoll li mit-18 ta’ Mejju t-timijiet kollha se jkunu jistgħu jibdew jitħarrġu gi grupp. S’ issa kienu biss t-timijiet ta’ Fiorentina, Sampdoria u Torino li minn meta t-timijiet rritornaw għat-taħriġ ikkonfermaw xi każijiet pożittivi.
