Mit-total ta’ 109, irriżulta li 79 minnhom kienu għal sewqan eċċessiv.
Fost il-multi li tweħħlu, kien hemm BMW illi fit-triq Kennedy drive laħqet il-128 kilometru fis-siegħa f’żona ta’ 70 kilometru fis-siegħa. Dan apparti 20 taħrika oħra għal sewqan eċċessiv f’din l-istess triq.
Il-Pulizija wettqet ukoll kontrolli u spezzjonijiet fi Triq Bormla, iż-Żejtun bit-total tal-multi jilħaq 26. Hawnhekk ingħatat taħrika lil sewwieq ta’ BMW li kien qed isuq b’101 kilometru fis-segħu fost oħrajn li kienu għaddejjin b’veloċita’ eċċessiva f’żona ta’ 50 kilometru fis-siegħa
Fi Triq Louis Wettinger, il-Mellieħa nħarġet 32 taħrika għal sewqan eċċessiv, bl-ogħla veloċita’ tkun dik ta’ Kawasaki b’110 kilometru fis-siegħa f’żona ta’ 60 kilometru fis-siegħa.
Ingħataw ukoll 30 kontravenzjoni għal irregolaritajiet oħra fosthom vetturi mingħajr numru tar-reġistrazzjoni, twieqi tinted, u sewqan bla linċenzja fost oħrajn.
Waqt l-operazzjonijiet tal-Pulizija saret ukoll tfittxija f’vettura tat-tip Mercedes u x-xufier instab fil-pussess ta’ sustanza suspettata kannabis. Il-Pulizija għaddejja bl-investigazzjonijiet tagħha f’dan il-każ.
