“Xorta għad hemm ir-riskju li timirdu bil-Covid-19”
It-tabib tal-familja Kenneth Vassallo għamilha ċara lill-pazjenti tiegħu biex ma jgħaġġlux u jibqgħu jżommu l-attenzjoni minkejja li l-Gvern qed jnaqqas il-miżuri waqt li pajjiżna qed iħabbat wiċċu mal-kriżi tal-Covid-19, “Ma rridux ngħaġġlu, għax l-affarijiet jistgħu jaggravaw f’daqqa”.
Huwa sostna li importanti li nagħtu ċans ħalli naraw kemm ħa jiżdiedu il-każijiet f’dawn il ġranet li ġejjin, b’indirizz b’mod speċjali għal dawk il-persuni li qed jitqiesu bħala persuni vulnerabbli fosthom il-persuni li għandhom ‘il fuq minn 65 sena u mard kroniku.
It-tabib appella sabiex dawn in-nies jibqgħu kemm jista jkun ġewwa u fakkar li, “il-flus u d-divertiment b’xi mod nerġgħu nġibuhom lura, imma m’hemm l-ebda mod kif inqajmu lil min jista’ imut”.
Dan kollu fid-dawl li minn nhar il-Ġimgħa ser ikunu qed jinfetħu r-ristoranti, lukandi, hairdressers eċċ.
Huwa sostna li minkejja n-nies ġew mħeġġa sabiex joħorġu dawn il-persuni meqjusa vulnerabbli, jekk ikollhom verament bżonn joħorġu, għandhom jevitaw postijiet fejn ikun hemm ħafna nies u joħorġu biss bl-ilbies protettiv.
//= $special ?>